كان فيه في يوم حبيب ليا

كان فيه في يوم حبيب ليا
كان املي وعمري وكل ماليا
حسيت حياتي معاه وكان في يوم ليا
اديته قلبي كله وعمري وعنيا
كنت بحس حنانه وحبه في ايديا
لكني وقعت فجاة وفتحت انا عنيا
لقتني كنت بحلم حلم جميل صحيح
لكني فوقت متأخر علي كابوس اخد كل ماليا
لقيته بيخدع ويخون ويكذب زي كل الناس حواليا
دا اللي كنت فكراه احلي ما في حياتي وفيا
لكن ياخسارة رجع الملاك لطباع البشرية
جه يعتذر ويقول سامحيني انا بجد حبيتك
وانا هبعد عنك واعاقب نفسي ببعدي عنك
بس ياريت تسامحيني من قلبك
لاني كنت صادق لما قولت بحبك
لكن كذبت لاني ضعفت في يوم
ورجعت لربي خلاص لعله يقبلني
ورغم جرحه الاليم وخداعه ليه
قولت خلاص سامحتك علي كل اللي عملته فيا
وحال الدنيا زي ما بتدينا بتاخد مننا
اخدتني منه واخدته من قدام عنيا
لكني في الاخر طلعت وفية
ولما قولت بحبك كنت حساها فيا
ومش ممكن انساك لاني بجد حبيتك
وكنت بالنسبة لي اخ حبيب صديق وكل ما ليا
لكن دلوقتي خلاص افترقنا علي غلطة مش ذنب ليا
لكن ذنبك انت وانت اللي جنيت عليا
وكنت اتمني يوم ما تسيبني وتمشي
تسيبلي قلبي وماتكونش جرحت فيا
انا مسامحاك لكن ماعاد ينفع رجوع ليا
وفي الاخر قدر ربي وكان خير ليك وليا
اااااااااااااااااااااااااااااااااه وكان حبيب ليا